เหตุปจฺจโย
[116] อุปาทานวิปฺปยุตฺตํ อุปาทานิยํ ธมฺมํ ปฏิจฺจ อุปาทานวิปฺปยุตฺโต อุปาทานิโย ธมฺโม อุปฺปชฺชติ เหตุปจฺจยา – อุปาทานวิปฺปยุตฺตํ อุปาทานิยํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.… ปฏิสนฺธิกฺขเณ…เป.… เอกํ มหาภูตํ…เป.… มหาภูเต ปฏิจฺจ จิตฺตสมุฏฺฐานํ รูปํ กฏตฺตารูปํ อุปาทารูปํฯ (1)
อุปาทานวิปฺปยุตฺตํ อนุปาทานิยํ ธมฺมํ ปฏิจฺจ อุปาทานวิปฺปยุตฺโต อนุปาทานิโย ธมฺโม อุปฺปชฺชติ เหตุปจฺจยา – อุปาทานวิปฺปยุตฺตํ อนุปาทานิยํ เอกํ ขนฺธํ ปฏิจฺจ ตโย ขนฺธา…เป.… ทฺเว ขนฺเธ…เป.…ฯ (1)
อุปาทานวิปฺปยุตฺตํ อนุปาทานิยํ ธมฺมํ ปฏิจฺจ อุปาทานวิปฺปยุตฺโต อุปาทานิโย ธมฺโม อุปฺปชฺชติ เหตุปจฺจยา – อุปาทานวิปฺปยุตฺเต อนุปาทานิเย ขนฺเธ ปฏิจฺจ จิตฺตสมุฏฺฐานํ รูปํฯ (2)
อุปาทานวิปฺปยุตฺตํ อนุปาทานิยํ ธมฺมํ ปฏิจฺจ อุปาทานวิปฺปยุตฺโต อุปาทานิโย จ อุปาทานวิปฺปยุตฺโต อนุปาทานิโย จ ธมฺมา อุปฺปชฺชนฺติ เหตุปจฺจยา – อุปาทานวิปฺปยุตฺตํ อนุปาทานิยํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป.… ทฺเว ขนฺเธ…เป.…ฯ (3)
อุปาทานวิปฺปยุตฺตํ อุปาทานิยญฺจ อุปาทานวิปฺปยุตฺตํ อนุปาทานิยญฺจ ธมฺมํ ปฏิจฺจ อุปาทานวิปฺปยุตฺโต อุปาทานิโย ธมฺโม อุปฺปชฺชติ เหตุปจฺจยา – อุปาทานวิปฺปยุตฺเต อนุปาทานิเย ขนฺเธ จ มหาภูเต จ ปฏิจฺจ จิตฺตสมุฏฺฐานํ รูปํฯ (1)
เหตุยา ปญฺจ, อารมฺมเณ ทฺเว…เป.… อวิคเต ปญฺจฯ
(อิมํ ทุกํ จูฬนฺตรทุเก โลกิยทุกสทิสํ, นินฺนานากรณํฯ)
อุปาทานวิปฺปยุตฺตอุปาทานิยทุกํ นิฏฺฐิตํฯ
อุปาทานโคจฺฉกํ นิฏฺฐิตํฯ
ตติโย ภาโค นิฏฺฐิโตฯ